Ionawr Sych

Rwyt ti’n anghygoel, ardderchog, a phenderfynol dros ben. Wedi cyrraedd pen y daith. Gobeithio bod dy Ionawr Sych wedi rhoi rhywbeth i ti feddwl amdano am weddill y flwyddyn.

Os yw dau ddiwrnod yn teimlo fel amser hir i aros am ddiod, beth am ddifyrru’r oriau sydd ar ôl ar wal ddringo? Swnio braidd yn beryg? Paid â phoeni – maen nhw’n rhoi het galed a rhaff i ti!

Mae’n siŵr dy fod ti’n teimlo’n iachus iawn ar ôl bron i fis heb y ddiod. Paid â gadael i dy egni newydd fod yn wastraff. Dyma’r amser i ymuno â champfa er mwyn cadw dy sioncrwydd i fynd.

Heb ddim ond pedwar diwrnod ar ôl, gwell i ti wneud iddyn nhw gyfri. Ymuna â chwrs a dysgu sgil newydd. Coginio, ffotograffiaeth, canu gitâr. Mae yna lond byd o bosibiliadau.

Gwisga dy fwtias cerdded. Mae’n bryd mynd am dro drwy’r caeau a’r cefnffyrdd. Aros am saib mewn tafarn wledig, glyd i gael cinio rhost a chwpaned o rywbeth cynhesol.

Wedi bod yn gweithio’n galed? Dyma dy ddiwrnod i wneud rhywbeth i ti – a dim ond ti. Beth yw’r peth buest ti’n dyheu am ei wneud? Naid parasiwt neu jyst gorwedd yn y bath?

Mae’n ddiwrnod i’r cariadon yng Nghymru, ond sut i ddathlu Dydd Santes Dwynwen heb y siampên? Wel, mae’r siocledi a’r blodau yn iawn o hyd, ac yfwn lwncdestun serchus â diod ysgallen!

Awydd darllen? Beth am rannu dy gariad at lenyddiaeth trwy ddechrau clwb darllen? Te, bisgedi ac ychydig o’r clasuron Cymraeg. Beth allai fod yn fwy gwaraidd?

Gall Dydd Mercher fod yn anodd, Ionawr Sych neu beidio. Clywson ni fod ychydig o fyfyrio’n llesol i’r enaid. Felly, cer i ffindio dy ganol llonydd.

Wedi dal ati cyhyd â hyn, rwyt ti’n haeddu gwyliau da. Cer ar y we a dechrau cynllunio dy wyliau nesaf – môr glas, tywod gwyn, a haul chwilboeth!

Ydy dy silffoedd yn llawn llyfrau coginion heb eu cyffwrdd? Estyn un lawr a mentro i’r gegin i greu campwaith i’w gofio heno.

Gan fod gyda ti fwy o amser nawr (heb golli bore Sul i’r penmaenmawr) beth am rannu dy hwyliau braf â’r byd. Os gelli di balu dy gar mas o’r lluwchfeydd, cer i weld hen ffrindiau neu dy deulu.

Mae’n oer, mae’n wlyb, ond mae rhaid ei fwynhau. Gwisga’n gynnes a thynna’r sled mas o’r garej, neu coda ddyn eira ar y lawnt. Dere’n ôl wedyn am ddiod siocled gynhesol neu gwpaned anferth o de.

Dy drydydd penwythnos ac rwyt ti’n dod yn hen law. Mwyha’r tywydd gaeafol trwy fynd i sglefrio gyda ffrindiau. Ymarfer corff + dim diod = sionc dy wala bore Sadwrn.

Dyw hi ddim yn gyffrous dros ben, ond on’d yw hi’n hen bryd i wneud y darn bach o DIY rwy ti wedi bod yn ei osgoi? Does neb arall wedi sylwi arno, ond gwyddost ti fod angen ei drwsio.

Mae mor oer â thraed pengwin. Amser aros mewn, troi’r gwres lan, dy lapio dy hunan mewn blanced, a chwarae gêm fwrdd. Beth fyddi di? Uwchfeistr gwyddbwyll neu dditectif Cluedo?

Ehanga dy gylchoedd cymdeithasol trwy ymuno â chlwb chwaraeon. Boed badminton, saethyddiaeth, neu dro ar y trampolîn, bydd rhywbeth at dy ddant yn dy ardal di. Felly, gwisga dy ddaps a cher amdani!

Da iawn! Rwyt ti wedi goroesi penwythnos arall. Ond dim ond Dydd Llun yw e, felly pwyll piau hi. Mae’n amser mireinio dy sgiliau gwneud diod siocled. Gyda hufen, malws melys, neu mintys. Pa un gei di?

Gobeithio dy fod ti’n teimlo’n sionc dy wala a siriol dy wên yn dy gyflwr di-alcohol. Beth am dro bach yn yr awyr iach? Yng nghanol y ddinas neu yng nghefn gwlad, does dim byd fel ystwytho dy goesau i adfywio dy ysbryd.

Wedi gweithio mor galed i aros yn sych, mae’n hen bryd am dy wobr. Bant â ti i ymuno â thyrfeydd lloerig y sêls. Mae bargeinion di-ri i’w bachu, yn ôl y sôn.

Nos Wener eto. Gwna’r gorau o’r noson yfed draddodiadol yma trwy wahodd ychydig o ffrindiau da am barti cinio sych. Cewch chi gymharu eich coctêls di-alcohol.

Deg diwrnod heb ddiferyn. Does dim byd yn gallu dy ddal di’n ôl nawr! Beth am gofnodi dy lwyddiant a’i gyhoeddi i’r byd trwy ddechrau ysgrifennu blog am dy brofiadau di-ddiod?

Gall canol yr wythnos fod yn anodd, ond mae’n amser eistedd yn ôl a bod yn fodlon arnat ti dy hunan. Meddylia am yr holl arian rwyt ti’n ei arbed trwy beidio ag yfed…a beth gelli di ei wario arno.

Bydd yn garedig i ti dy hunan a chadw’n gynnes ar yr aelwyd. Gwisga dy slipars ac ymlacia o flaen y tân gyda hoff ffilm neu lyfr da. Dim tân yn y grât? Crea dipyn o awygrylch drwy gynnau canwyll neu ddwy.

Gan fod ti wedi goroesi’r penwythnos cyntaf heb ddiod, beth am deimlo’n well fyth drwy wneud tipyn o waith gwirfoddol? Mae’n talu ar ei ganfed.

Erioed wedi meddwl gwneud cinio rhost i’r teulu a dy lu o ffrindiau, ond yn lle hynny wedi treulio’r Sul ar y soffa gyda chur pen a bola dilicét – wel, heddiw ti yw brenin (neu frehnines) y gegin!

Teimlo’n heini bore ’ma? Mae’r penwythnos ar ei newydd wedd yn dechrau yma, ac mae byd newydd yn ymagor o dy flaen. Byddwn ni’n pigo mas am baned gyda ffrindiau, yn teimlo’n fodlon braidd!

Talcen caled – dy nos Wener gyntaf heb y ddiod. I’r sinema â ti! Dylai fod digon o ffilmiau newydd i dy ddifyru yn dy gyflwr sobr, a gelli di fachu peint o bopcorn.

Hen bryd cael tipyn o awyr iach. Cer â dy gi, neu gi rhywun arall, am dro. Does dim byd yn cymharu â gwylio’r creaduriaid annwyl yn rhedeg ar ôl y brigau rwyt ti’n eu taflu.

Adre o’r gwaith o hyd? Beth am damaid o ddiwylliant? Mae Cymru’n llawn dop o amgueddfeydd, orielau, a chestyll wrths gwrs. Felly, mwynha ein hetifeddiaeth.

Gwych. Ti’n sych. Debyg na faset ti eisiau diod arall ar hyn o bryd ’ta waeth. Pwyll piau hi nawr. Dim symudiadau sydyn. Rho ffilm yn y peiriant, a phaid â rhuthro, ar wahân i ambell daith o’r tegell i’r soffa.

Byddwn ni’n rhannu gyda ti’r holl bethau gwych gelli di eu gwneud wrth osgoi’r ddiod ym mis Ionawr, felly gwylia am ragor yma. Ond am y tro, ymuna, dweud wrth dy ffrindiau, ac fe awn ni’n sych gyda’n gilydd!